Un espectáculu que conecta cultures, emociones y valores.

 

La neña de les trences al revés ye una propuesta escénica poética y emocionante que convida al alumnáu a mirar el mundu dende la curiosidá, la empatía y el respetu pola diversidá cultural.

​

Thana vive en Mali, más allá del desiertu del Sáhara. Deva vive n’Asturies, mui cerquina de la mar. Paecen mui distintes, pero comparten la mesma edá y munches más coses de les que puen imaxinar. Una nueche, la lluna como un espeyu máxicu permíte-yos conocese y falar.

​

Al traviés d’esta hestoria, l’espectáculu trabaya valores fundamentales como: la interculturalidá, la igualdá, la empatía, la comunicación y la superación de prexuicios.

​

Una esperiencia teatral pensada pa emocionar, facer cavilgar y espertar la imaxinación del públicu escolar, amosando qu'aquello que nos xune siempres ye más fuerte qu'aquello que nos dixebra.​