Una puesta n'escena contemporánea basada na Fábula de Dido y Eneas d’Antón de Marirreguera, considerada una de les obres fundamentales de la tradición lliteraria n’asturianu.

​

L’espectáculu recupera la centenaria tradición europea del teatru de títeres y actualízala con un llinguaxe escénicu visual, poéticu y cercanu al públicu mozu d’anguaño. Una propuesta que combina patrimoniu cultural, emoción y reflexón crítica pa conectar los clásicos col alumnáu de Secundaria y Bachilleratu.

​

A partir del mitu clásicu de Dido y Eneas, la obra convida al públicu a cavilgar sobre cuestiones universales como l’amor, el deber, la responsabilidá y les consecuencies de les decisiones personales.

​

La propuesta resulta especialmente afayadiza pa programes educativos y asignatures rellacionaes con: Llingua y Lliteratura Asturiana, Cultura clásica, Filosofía y valores éticos, Igualdá y coeducación, Educación emocional y Artes escéniques y educación cultural.

​

Un clásicu que fala al presente: Dido y Eneas ye una propuesta escénica pensada pa espertar l’interés del alumnáu polos clásicos dende una mirada actual, sensible y visualmente curiosa, convirtiendo’l teatru nun espaciu de diálogu, emoción y aprendizaxe.